नागपूर (Nagpur) : व्हेरायटी चौक ते महाराजबाग या रस्त्यावरील ब्रिटीशकालीन पूल जमीनदोस्त झाला आहे त्यामुळे अनेक महिन्यांपासून त्या रस्त्यावर वाहतूक कोंडीची समस्या सुरु आहे.
शहराच्या नियोजनकर्त्यांची अपुरी तयारी आणि ग्राउंड वास्तवाची त्यांची अपुरी समज पुन्हा एकदा या वाहतूक कोंडीमुळे समोर आली आहे. पुलाचा दर्जा आणि नमुना माहीत नसताना अधिकाऱ्यांनी ब्रिटीशकालीन पुलावर राडारोडा टाकला आणि चुकून पुलाचा काही भाग तुटला, ज्यामुळे अखेरीस त्यांना संपूर्ण बांधकाम पाडणे भाग पडले. त्यामुळे मागील 45 दिवसांपासून वाहतूक बंद आहे. नुकतेच सार्वजनिक बांधकाम विभागाने कॉंक्रिटीकरण सुरू केले.
अमरावती रोडवरील व्हेरायटी चौक ते महाराजबाग दरम्यानच्या पुलाच्या काँक्रीटच्या स्लॅबचा ढिगारा कोसळल्यामुळे वहतुकीची समस्या होत आहे, ही समस्या दूर करण्याचे प्रयत्न सुरु आहे. एका भागात रवी नगर चौक ते विद्यापीठ आणि दुसऱ्या भागात आरटीओ चौक ते व्हेरायटी चौक जोडणारा जवळपास 5 किलोमीटरचा व्यस्त भाग आहे. काँक्रीटचा रस्ता 10 मीटर रुंदीचा असेल आणि दोन्ही बाजूला सायकल ट्रॅक आणि फूटपाथ बनवले जाणार आहे. 45 कोटी रुपयांच्या प्रकल्पाचे वर्कऑर्डर जेपी एंटरप्रायझेसला देण्यात आले आहे.
सुरुवातीच्या योजनेनुसार, अधिकाऱ्यांनी हा पूल दोन टप्प्यात पाडायचा होता, जेणेकरून एका बाजूने वाहतूक करता येईल. मात्र, आता पुल कोसळल्याने अधिकाऱ्यांना प्रकल्पाच्या आराखड्याची पुनर्रचना करून पुलाचे काम एकाच वेळी सुरू करावे लागणार आहे. प्रकल्प व्यवस्थापक सचिन हांडे म्हणाले की, पुलाचे काही भाग बांधण्याची सुरुवातीची योजना होती. त्यांनी सांगितले की हे एक कमान पूल आहे ज्यात विटा आणि दगडांची रचना आहे. त्याचा फक्त काही भाग पाडणे शक्य नव्हते आणि त्यामुळे त्यांना संपूर्ण संरचना एकाच वेळी खाली आणावी लागली.
हा पूल 100 ते 150 वर्षांपूर्वी ब्रिटिशांनी बांधले होते, हे लक्षात घेणे महत्त्वाचे आहे. कार्यकारी अभियंता नरेश बोरकर यांनी सांगितले की हे पूल बरेच जुने आणि ते ब्रिटिशांनी बांधले आहे. दरम्यान, नवीन घडामोडीमुळे या भागातील वाहतूक कोंडीत भर पडली आहे कारण बांधकामासाठी हा संपूर्ण रस्ता अडवला आहे. सीताबर्डी-महाराजबाग परिसरातील व्यावसायिक कामांवरही त्याचा परिणाम होत आहे. या मार्गाच्या दोन्ही बाजूला दुकाने, व्यावसायिक प्रतिष्ठाने, रुग्णालये, हॉटेल्स आणि भोजनालये आहेत.
एका दुकानदाराने सांगितले की, रस्ता अडवल्याने त्याच्या व्यवसायावर परिणाम झाले. जोपर्यंत पूल पूर्ण होत नाही तोपर्यंत येथे कोणीही येणार नाही. त्यांनी संपूर्ण पूल पाडायला नको होता. हे सर्वांसाठी अत्यंत निराशाजनक आहे, त्यांनी अधिकाऱ्यांना लवकरात लवकर काम पूर्ण करण्याचे आवाहन केले. या रस्त्याचे बांधकाम या वर्षी डिसेंबरपर्यंत पूर्ण होण्याची शक्यता आहे. मॉरिस कॉलेज टी-पॉइंट आणि इन्स्टिटय़ूट ऑफ सायन्सच्या इमारतीदरम्यानचा नवीन रस्ता सध्या विद्यापीठाकडे जाणारा एकमेव रस्ता असल्याने त्यावर लोकांची नेहमी गर्दी दिसायला मिळते.