नागपूर (Nagpur) : मानस चौक ते कॉटन मार्केट चौकाला जोडणारे 47 मीटर लांबीचे नवीन लोहापूर हे काम 25 कोटी रुपये खर्चून दोन वर्षात पूर्ण झाले. त्याची उंची 4.5 मीटर आहे. हा प्रकल्प राबवण्यासाठी बॉक्स पुशिंग मशीन आणि रेल्वे क्लस्टर पद्धतीचा अवलंब करण्यात आला. येथे मानस चौक ते कॉटन मार्केट चौकापर्यंतची वाहतूक नवीन लोहापुल मार्गे होईल. कॉटन मार्केट चौकातून मानस चौकापर्यंत वाहनांची ये-जा जुना लोहापुल मार्गाने होईल.
या नवीन लोहापुलाचे उद्घाटन केंद्रीय मंत्री नितीन गडकरी आणि उपमुख्यमंत्री देवेंद्र फडणवीस यांच्या हस्ते 1 एप्रिलला करण्यात आले. महामेट्रोकडून कंत्राट मिळाल्यानंतर नॅशनल कन्स्ट्रक्शन कंपनी लि. द्वारे हे बांधकाम करण्यात आले आहे. लोहापूल कॉम्प्लेक्स येथे निर्माणाधीन पुश बॉक्स आरयूबी 47 मीटर लांब, 12 मीटर रुंद आणि 4.5 मीटर उंच आहे. यामध्ये दोन समांतर पुश बॉक्स (2 बाय 2) तयार करण्यात आले असून त्यापैकी एका पुश बॉक्सवर 1.5 मीटर रुंद फूटपाथ तयार करण्यात आला आहे.
ब्रिटीशकालीन लोहापूल तसाच ठेवून मानस चौक ते कॉटन मार्केट चौकापर्यंत अंडरब्रिजमार्गे वन-वे करण्यात आले आहे. कॉटन मार्केटकडून टेकडी रोडकडे येण्यासाठी लोहापुलखालून रस्ता खुला राहील. मानस चौक जंक्शन सुधारण्याचीही योजना आहे. हा मार्ग शून्य अपघात स्थळ म्हणून तयार करण्यात येत आहे. मानस चौक ते जयस्तंभ चौक दरम्यान 950 मीटर लांबीचा 6 लेन रस्ता प्रस्तावित आहे. या रस्त्याच्या कामासाठी मानस चौकातून गोस्वामी तुलसीदास यांचा पुतळा काढण्यात आला आहे. कॉटन मार्केटजवळील कल्व्हर्टच्या बांधकामाच्या ठिकाणी हा पुतळा सुरक्षित ठेवण्यात आला आहे. रस्त्याच्या बांधकामानंतर गोस्वामी तुलसीदास यांचा पुतळा मूळ स्वरूपात बसवला जाणार आहे.
हे प्रकल्प सार्वजनिक बांधकाम विभागासाठी महामेट्रोच्या वतीने केंद्रीय रस्ते निधीतून भारत सरकारच्या रस्ते वाहतूक आणि महामार्ग मंत्रालयाच्या अंतर्गत डिपॉझिट कार्यच्या रूपात कार्यान्वित करण्यात आले आहेत. हे बांधकाम रेल्वे विभागाशी संबंधित असल्याने या कामासाठी रेल्वेकडून गाड्यांची वाहतूक रोखणे हे सर्वात कठीण काम होते. दररोज 200 हून अधिक गाड्या प्रवास करतात. तसेच लोहापुलचा परिसर वर्दळीचा आहे. रेल्वे स्टेशन, कॉटन मार्केट, मंदिर, 2 चित्रपटगृहे आणि व्यवसाय क्षेत्र आणि मेनरोड बर्डी सलग्न असल्याने येथे नेहमीच गर्दीचे वातावरण असते.
नवीन लोहापुल (आरयूबी) मुळे मानस चौक ते कॉटन मार्केट दरम्यान होणारी वाहतूक कोंडीची समस्या कमी होण्यास मदत होणार आहे. मानस चौक ते कॉटन मार्केटला जोडणाऱ्या रेल्वे लाईनखाली बांधलेल्या आरयूबी च्या दोन बॉक्सची लांबी 47 मीटर, रुंदी 6 मीटर आणि उंची 4.5 मीटर आहे. प्रकल्प बांधण्यासाठी बॉक्स पुश आणि रेल्वे क्लस्टर पद्धतीचा अवलंब करण्यात आला आहे. किंग्सवे हा एक प्रमुख व्यावसायिक क्षेत्र मार्ग असल्याने जड वाहतूक चालते. रेल्वे स्टेशन, डीआरएम ऑफिस, मेयो हॉस्पिटल, रिझर्व्ह बँक ऑफ इंडिया, कस्तुरचंद पार्क, टेरिटोरियल आर्मी 118 बटालियन, बँक स्कूल, कॉलेज, सरकारी कार्यालय, निवासी दाट वस्त्या या मार्गावर आणि आजूबाजूला आहेत. अवजड वाहतुकीची समस्या लक्षात घेता नवीन लोहापुल बांधन्यात आले आहे.