मुंबई (Mumbai) : महाराष्ट्र स्थावर संपदा नियामक प्राधिकरणच्या (महारेरा) अध्यक्षपदी राज्याचे माजी मुख्य सचिव मनोज सौनिक यांची नियुक्ती करण्यात आली आहे. मनोज सौनिक यांनी महारेराचे अध्यक्ष म्हणून आज पदभार स्वीकारला. गृहनिर्माण मंत्री अतुल सावे यांनी आज मंत्रालयात सौनिक यांना पद व गोपनीयतेची शपथ दिली.
यावेळी गृहनिर्माण विभागाच्या प्रधान सचिव वलसा नायर सिंह, महारेराचे सदस्य महेश पाठक, महारेरा अपिलीय प्राधिकरणाचे सदस्य एस. एस. संधू, महारेरा माजी अध्यक्ष अजोय मेहता व गृहनिर्माण विभागातील वरिष्ठ अधिकारी यावेळी उपस्थित होते.